anth kaha hai ??

anth kaha hai ???
mai chala
tu bhi chal
basta mera hai
tera bhi hai
banjara mai bhi nahi
tu bhi nahi
awaara mai bhi nahi
tu bhi nahi
dukh mujhe to hota hai
shayad tujhe nahi
raaste dekh wahi hai
ek sidhi si pagdandi hai
tu bhi chali thi
mai bhi chala tha
tujhe aaj kahi aur jaana hai
aur mera bhi kaha koi thikana hai
is mod se us mod tak aana hai
par chakkar to saara yaha hai
ki mod kaha hai
anth kaha hai …
raasta khatam kaha hai
meri manzil isi raah par hai
par naa jaane kaha hai
chalte chalte mile agar tujhe kabhi
to bata dena mere hamsafar
aage ki manzile ham teh nahi karenge
kyuki meri manzil to tumhe hi dhundhi thi
aur tumne dhundh li hai
to fir us manzil ka anth kaha hai …
naa to aadi hai
naa to anaadi hai
naa to anth hai
naa to shuruwaat hai
naa hi mod hai
naa hi tod hai
naa tu mujhe chode hai
naa mai tujhe chod saku hu
naa tu jine de hai
naa mai jee saku hu
naa tu mai hu
naa mai tu hu
naa mai mai hu
naa tu tu hai
tu mai
mai tu
naa jaane kaha hai
naa jaane kaun hai
naa jaane kab aaye
naa jaane
anth kaha hai …
tu mera anth hai
ya mai tera anth hu
tu kuch nahi hai
tu bas ek khawab hai
jisko dekha nahi hai
tu woh gaana hai
jisko gaaya nahi hai
tu manzil hai
jisko paaya nahi hai
tu bheeshan aasmaan hai
mai registaan mein khila
ek fool hu
baarish nahi hai
fir bhi khil gaya hu
tu .. tu hai ..
jo aaj tak dikhi nahi ..
mili nahi …
sochi nahi …
samjhi nahi …
naa jaane fir bhi mai tu kyu hu
aur naa jaane anth kaha hai
mujhe bhi pata hai
padne wala yahi soch raha hai
ki anth kaha hai
yeh kahani anth heen hai
naa koi anth hai
naa koi basant hai
bas ek tapti hui garmi hai
garmi mein chilmilati dhoop hai
dhoop mein raaste
chuandhiya gaye hai suraj se
bikhla uthi hai dharti
ho chuka hai hahakaar
par anth kaha hai
tu wahi hai jisne diye the dastak
is sune jahaan mein
par darwaza khola
to tu kaun hai ..
aur ….
tera anth kaha hai …